A
A
«Սոթքի հանքի աշխատակիցները փակելու են երկաթգիծը՝ բողոքի ձայն բարձրացնելով աշխատանքից կրճատվելու համար» (տեսանյութ)
Աջակցիր «Ա1+»-ինՀՀ ազգային ժողովի պատգամավոր Թագուհի Թովմասյանն այսօր ԱԺ իր ելույթում նշեց, որ Սոթքի ոսկու հանքավայրի մոտ 300 աշխատակցի կրճատման հարց է առաջացել, նրանցից մոտ 100-ն արդեն կրճատվել է:
«Սոթքի ոսկու հանքավայրի աշխատակիցները հայտնի պատճառներով պատերազմից հետո հարկադիր պարապուրդի մեջ էին գտնվում, քանի որ ամբողջ ծավալով չի աշխատում հանքը, հանքավայրի շահագործումը դադարեցվել է մի մասով, որովհետև հանքավայրի մեծ մասը մնացել է ադրբեջանական վերահսկողության տակ: Եվ հիմա մոտ 300 աշխատակիցների կրճատմամբ հարց է առաջ եկել, մոտ 100-ը կրճատվել են, մնացածն էլ ընթացքի մեջ են»։
Նա նշեց, որ բազմաթիվ անձինք մտադրություն ունեն իրենց բողոքը արտահայտել տարբեր ակցիաներով, այդ թվում՝ փակելով երկաթգիծը։
