Սիրելի ֆրակցիաներ, կոչ եմ անում ինձ ընտրել վարչապետ. Միքայել Մարգարյան (տեսանյութ)
Աջակցիր «Ա1+»-ինՊատերազմը սկսել են նախկին իշխանությունները, բոլոր իշխանությունները դիվանագիտությամբ չեն կանխել այսօր սկսված պատերազմը։ Այսօր ԱԺ-ում ԼՀԿ-ի հրավիրած լսումների ընթացքում հայտարարեց քաղաքացի Միքայել Մարգարյանը։
«Պատերազմը կասեցրել է ներկա դավաճան իշխանությունը, սակայն կռվել է ժողովուրդը»։
Քաղաքացին հայտարարեց՝ 2018-ին հեղափոխությունը հրահրեց նախկին իշխանությունը․
«Իշխեց նոր կուսակցությունը, նոր վարչապետը՝ իր մտերիմներով, սակայն արդարության ու երկրի բարեկեցության համար պայքարում էր ժողովուրդը, այսօր ժողովուրդը սգի մեջ է»։
Մարգարյանը հայտարարեց՝ ժողովուրդը պահանջում է իր իշխանությունը․
«Հաջորդ վարչապետ պետք է լինի ժողովրդի ներկայացուցիչը, և ես ասում եմ՝ իշխանությունը ես եմ, սիրելի ֆրակցիաներ, ես կոչ եմ անում ինձ ընտրել վարչապետ։ Միքայել Մարգարյանը ողջ կյանքը ապրել է Հայաստանում, սիրում և պաշտում է իր ժողովրդին, բազմազավակ հայր է, ոչ միայն զինվոր է, այլ նաև զինվորի հայր է»,-ներկայացավ քաղաքացին և ներկայացրեց իր պատկերացումը՝ իրավիճակը շտկելու համար։
