Բացել լրահոսը Փակել լրահոսը
A A

«Հայացք պատուհանից ներս»

Մշակույթ

Նյու Յորքի «Ջեյմս Քոհեն» պատկերասրահում բացվեց նյույորքաբնակ Հայկ Քոչարյանի «Հայացք պատուհանից ներս» լուսանկարների ցուցահանդեսը: Լուսանկարներն արվել են Եթովպիայում` Ամերիկա- Աֆրիկյան կազմակերպության աջակցությամբ:

Ցուցահանդեսը բարեգործական էր. վաճառքից ստացված ամբողջ հասույթը փոխանցվելու է ի ծնե ՁԻԱՀ-ով հիվանդ երեխաների բուժմանը: Ցուցադրությանը ներկայացված էր 40-ից ավելի աշխատանքներ:

Պատկերասրահի տնօրենուհի Ջեյն Քոհենի բացման խոսքից հետո` Հայկ Քոչարյանի լուսանկարչական աշխատանքները բարձր գնահատեցին ՄԱԿ-ում ՀՀ մշտական ներկայացուցիչ, արտակարգ եւ լիազոր դեսպան Կարեն Նազարյանը, Ամերիկա- Աֆրիկյան կազմակերպության հիմնադիր Կիմ Նիկոլսը, ՄԱԿ-ում Եթովպիայի հանրապետության մշտական ներկայացուցիչ, դեսպան Աման Հասանը եւ ուրիշները: Իսկ վերջում իր շնորհակալական խոսքը ասաց երիտասարդ լուսանկարիչ արվեստագետ Հայկ Քոչարյանը:

Ռոբերտ Կարապետյան
Նյու Յորք

Լուսանկարները` հեղինակի