Բացել լրահոսը Փակել լրահոսը
A A
Մշակույթ

«Ինքնանույնականացում - 2020» ազատ ստեղծագործողների համաժողով՝ բաց-ազատ միջավայրում. ՈՒՂԻՂ (տեսանյութ)

Ազատ ստեղծագործողների հայտարարությունը.
 
Համավարակի շրջանը հայաստանյան անկախ ստեղծագործողների համար յուրահատուկ էր․ մենք վերջնականապես համոզվեցինք, որ մեր խնդիրները բացառապես մերն են, և որևէ ատյանից աջակցություն չկա։
Ազատ արվեստի և ազատ արվեստագետի հասարակական ինստիտուտների անտեսումը հասունացրեց ոչ միայն խնդիրները, այլև դրանք լուծելու անհրաժեշտությունն ու օրակարգը։
Այս շրջանում մենք սկսեցինք ավելի լավ հասկանալ մեր կարիքները և ավելի սուր զգացինք համագործակցության կարևորությունը։
«Մուզանավ» հասարակական կազմակերպության նախաձեռնած առցանց քննարկումների ընթացքում միտք ծագեց՝ համախմբելու մեր իրական ներուժը և համագործակցային լայն դաշտ ձևավորելու, որպեսզի սկսենք շարժվել հայաստանյան անկախ արտիստական համայնքի՝ տասնամյակներով կուտակված խնդիրների լուծման ճանապարհով։ Պետությունն այդպես էլ մեզ չնույնականացրեց, և մենք որոշեցինք դա անել ինքներս։

Համաժողովի նախաձեռնող խումբ`

Լիլիթ Բլեյան, երգչուհի, երգահան, «Մուզանավ»ի համահիմնադիր
Վահան Արծրունի, երգիչ, երգահան
Հայկ Վարդանյան, մենեջեր, օպերային երգիչ
Տիգրան Տեր Ստեփանյան, կիթառահար, գործիքավորող, «Մուզանավի» համահիմնադիր
Քրիստինե Կոլյան, երգչուհի, երգահան, «Մուզանավի» համահիմնադիր
Մհեր Մանուկյան, երգահան, երգիչ, «Լավ էլի» խմբի համահիմնադիր
Անի Գասպարյան, Ժնևի «Musika» գործակալության պրոդյուսեր