«Սևան-Հրազդան Կասկադի հիմնական նշանակությունը ի հայտ եկավ հուլիսի 10-ի խոշոր վթար ժամանակ»
Աջակցիր «Ա1+»-ինՍևան-Հրազդան Կասկադի հետևողական արդիականացումը դարձել է Հայաստանի էներգահամակարգի խափանման հաղթահարման ռեսուրսներից մեկը:
Համոզված է «Միջազգային էներգետիկ կորպորացիա» ՓԲԸ գլխավոր տնօրեն Ռոման Զոհրաբյանցը:
Հանրապետության մոտ 10% էլեկտրաէներգիա արտադրող Սևան-Հրազդան Կասկադի (ՍՀԿ) հիմնական նշանակությունը Հայաստանի էներգետիկ ոլորտի համար(մինչև 728 միլիոն կիլովատտ-ժամ ) ընդգծված ձևով ի հայտ եկավ հուլիսի 10-ի խոշոր վթարի ժամանակ: Կասկադը դարձավ երկրի էլեկտրամատակարարման հիմնական պահուստային աղբյուրներից մեկը, որը հնարավորություն ընձեռեց կարգավորել իրավիճակը: Հիշեցնենք, որ խափանման պատճառով այդ օրն ընդհատվել էր էլեկտրաէներգիայի արտադրությունը երկու խոշոր՝ Երևան ՋԷԿ և «Հրազդան-5» ջերմային էլեկտրակայաններում: Ընդ որում, Հայկական ԱԷԿ-ը մինչև 01.08.2019 գտնվում է պլանային նորոգման մեջ:
«Անհաղթահարելի ուժի պայմաններում ՍՀԿ անձնակազմը կարողացավ ժամանակին և արագ միացնել անջատված և պահուստային ագրեգատները: Գրագետ կառավարումը և համակարգված գործողություններն օգնեցին հաղթահարել գլոբալ ճգնաժամը: Որակյալ կադրերի հաջող գործողությունները պայմանավորված են ամենից առաջ նրանց արհեստավարժությամբ և Կասկադի հուսալիությամբ, որը մշտապես արդիականացվում է և պահպանվում աշխատանքային վիճակում»,- ասում է Ռոման Զոհրաբյանցը:
Հիշեցնենք, որ «Միջազգային էներգետիկ կորպորացիա» ՓԲԸ-ն մտնում է ՌուսՀիդրո ՀԲԸ մեջ – ռուսական հզոր էներգետիկ կազմակերպություն, որը միավորում է Ռուսաստանի Դաշնության և նրա սահմաններից դուրս ավելի քան 400 արտադրող աբյեկտների:
ՌուսՀիդրոն առաջինն է երկում և աշխարհի 5 հիդրոէներգետիկ կազմակերպությունների շարքում է, Ռուսաստանում արտադրության առաջատարը՝ վերականգնվող աղբյուրների հիման վրա: ՌուսՀիդրոյի կազմի մեջ մտնող էլեկտրակայանների սահմանված հզորությունը՝ ներառյալ Բոգուչինսկայա ՀԷԿ-ը, կազմում է 39,4 ԳՎտ:
