Առաջ մի ֆիրմա ա էղել, հիմա 7 ֆիրմայա, ազիզ ջան. Ալեքսանյանն իր գործունեության մասին (տեսանյութ)
Աջակցիր «Ա1+»-ինԷսօր էդ օ՞րն ա բայց. ասաց նախկին ԱԺ ՀՀԿ խմբակցության պատգամավոր, գործարար Սամվել Ալեքսանյանը ի պատասխան լրագրողի դիտարկմանը, թե վիճակագրական տվյալներով՝ հեղափոխությունից հետո նա ավելի քիչ հարկ է վճարել, քան նախորդ իշխանությունների օրոք։
Ալեքսանյանը մասնակցում է Սարդարապատում Առաջին Հանրապետության տոնի կապակցությամբ կազմակերպված միջոցառումներին։
Գործարարը հերքեց, թե ավելի քիչ հարկ է վճարել և հորդորեց գնալ-ճշտել. «Առաջ մի ֆիրմա ա էղել, հիմա 7 ֆիրմայա։ 2018 թ. բաժանվել ա էդ ֆիրման, ազ ջա՛ն»։
Նա ասաց, թե չգիտի՝ որքան հարկ է վճարվել իր կազմակերպությունների կողմից, սակայն ընդգծեց, որ ըստ կարգի՝ հարկ է վճարվել։ «Հիմա բիզնեսմեն եմ։ Էսօր Աբարանի օրն ա, էրեխեք ջան։ Վսյօ, վերջացրեք, վսյո»,- ասաց Ալեքսանյանը։
Նա ասաց, որ շատ նորմալ հարաբերությունների մեջ է ներկայիս իշխանությունների հետ՝ այլևս հրաժարվելով հարցերի պատասխանել։
Տեսանյութը news.am-ի
