«Փյունիկը»՝ Հայաստանի ֆուտբոլի առաջնության միանձնյա առաջատար (տեսանյութ)

Ֆուտբոլի Հայաստանի բարձրագույն խմբի 31-րդ տուրի հերթական խաղում Երեւանի «Փյունիկը» Էջմիածնի ֆուտբոլի ակադեմիայում հյուրընկալեց Գյումրիի «Շիրակին»:

Փյունիկցիները յուրաքանչյուր խաղակեսում մեկական գոլ խփեցին եւ վստահ հաղթանակ տարան՝ 2:0: Տանտերերի կազմում աչքի ընկան Մաքսիմ Ժեստոկովն ու Արթուր Միրանյանը:

Այս հաղթանակից հետո «Փյունիկը» վաստակեց 52 միավոր եւ սկսեց միանձյա գլխավորել աղյուսակը: Նրան հաջորդում են «Բանանցն» ու «Արարատ-Արմենիան», որոնք ունեն 49-ական միավոր:

«Շիրակը» երկրորդ պարտությունը կրեց այս տարում, ընդ որում կրկին «Փյունիկից»: Շիրակցիները 35 միավորով առայժմ զբաղեցնում են 6-րդ տեղը:

Տուրի վերջին խաղը կկայանա վաղը, մայիսի 6-ին: «Արարատը» սեփական դաշտում կընդունի «Արցախ ՖԱ»-ին: