«Լոռին» ու «Շիրակը» չկարողացան որոշել հաղթողին

Հայաստանի ֆուտբոլի բարձրագույն խմբի առաջնությունում այսօր կայացավ 29-րդ տուրի վերջին հանդիպումը: Վանաձորի «Լոռի ՖԱ» թիմը սեփական դաշտում ընդունեց Գյումրիի «Շիրակին»:

Հանդիպումն ավարտվեց արդյունավետ ոչ-ոքիով՝ 2:2: Խաղի հաշիվը 32-րդ րոպեին բացեց տանտերերի հարձակվող Ջոել Դեսիրեն: Երկու րոպե անց Մուսա Բակայոկոն հավասարեցրեց հաշիվը: Երկրորդ կեսի 58-րդ րոպեին Իսա Ալիուն կրկին առաջ մղեց «Լոռիին»: Սակայն տանտերերին չհաջողվեց պահպանել առավելությունը: Հանդիպման 90+3-րդ րոպեին շիրակցի Արտյոմ Միքայելյանը կրկին վերականգնեց հավասարությունը:

«Լոռի ՖԱ»-ն 39 միավորով շարունակում է զբաղեցնել 5-րդ տեղը, իսկ «Շիրակը» 32-ով գտնվում է 6-րդ հորիզոնականում:

Հաջորդ՝ 30-րդ տուրի հանդիպումները, տեղի կունենան մայիսի 1-ին եւ 2-ին: