Բացել լրահոսը Փակել լրահոսը
A A

Ընդամենը խնձորի չիր (տեսանյութ)

Մարզեր

'Ջրառատը նախկինում հարուստ գյուղ է եղել, մենք էլ ապրել ենք մարդավարի: Երկրաշարժից հետո ամեն ինչ փոխվեց: Աշխատանքս կորցրեցի ու մնացի անգործ՚,-պատմում է 5 երեխաների մայր տիկին Վարդուշը:

7 անձից կազմված այս ընտանիքը ներկա պահին գոյատեւում է պետության կողմից տրամադրվող ընտանեկան նպաստով:

  Մի քանի ոչխար, մի քանի հեկտար  էլ հողատարածություն: Սա է Աղաբաբյանների կարողությունը: 3-4 ոչխարը պահում են, որ ամենանեղ պահին  վաճառեն ու հոգս հոգան: 3.5  հեկտար հողատարածքը չեն մշակում:

  Նպաստով վար ու ցանք անել հնարավոր չէ: Այդ գումարից տիկին Վարդուշը կարողանում է գնել ընդամենը մեկ պարկ ալյուր:

Մնացածը մի կերպ ծայրը ծայրին կամ հասնում է կամ չի հասնում: Բոլոր դժվարություններին այս տարի մեկ գլխավոր անհաջողություն էլ է ավելացել: Միակ բանը, որ ցանել էր, եւ հույս ուներ ձմռան համար բավարար պաշար հավաքել, կարտոֆիլն է եղել: Այսօր արդեն պարզ է. տիկին Վարդուշի ողջ տարվա աշխատանքը ջուրն է լցվել:

Այս ընտանիքի հինգ երեխայից միայն մեկն է դպրոցն ավարտելուց հետո կարողացել հասնել Գյումրի: Ընդունվել է գեղարվեստի ուսումնարան: Սակայն, ինչպես մայրն է ասում'  եթե իրենց վիճակը մնա նույնը, ապա աղջիկն հավանաբար ուսումը շարունակել չի կարողանա: Սովորում է անվճար հիմունքով, բայց քաղաք հասնելու համար գումար չունեն:

Ձմռան նախաշեմին Աղաբաբյանները մնացել են շվարած: Ոչ վառելիք ունեն, ոչ էլ անասուն ունեն, որ աթարը վառեն: Ընտանիքի տղամարդն էլ տանը չէ: Գնացել է բախտ, աշխատանք ու գումար որոնելու:

Տիկին Վարդուշը մնացել է Ջրաձորում 5 երեխաների, իր հոգս ու դարդի հետ:

Ձեռքը կարճ է, ուրիշ բան անել չի կարող: Ձմռանն ընդառաջ խնձորի չիր է պատրաստում:

Ցայգ հ/ը