Փաշինյանի որոշմամբ՝ հաստատվել է աշխատանքային խմբի կազմը
Աջակցիր «Ա1+»-ինՎարչապետ Նիկոլ Փաշինյանի որոշմամբ՝ հաստատվել է ՄԱԿ-ի «Երեխայի իրավունքների մասին» կոնվենցիայի և դրան կից «Զինված հակամարտություններին երեխաների մասնակցության վերաբերյալ», «Երեխաների վաճառքի, երեխաների մարմնավաճառության և մանկական պոռնոգրաֆիայի վերաբերյալ» կամընտիր արձանագրությունների դրույթների իրականացման վերաբերյալ Հայաստանի Հանրապետության 5-րդ և 6-րդ համատեղ պարբերական զեկույցները նախապատրաստող միջգերատեսչական աշխատանքային խմբի կազմը:
Որոշմամբ նաեւ Հայաստանի Հանրապետության արտաքին գործերին նախարարին՝ հանձնարարվել է վեցամսյա ժամկետում մշակել և Հայաստանի Հանրապետության կառավարության հաստատմանը ներկայացնել պարբերական զեկույցների նախագծերը:
Հայաստանի Հանրապետության արդարադատության նախարարն էլ Հայաստանի Հանրապետության կառավարության կողմից հաստատվելուց հետո մեկամսյա ժամկետում պետք է ապահովի իրականացման վերաբերյալ Հայաստանի Հանրապետության 5-րդ և 6-րդ համատեղ պարբերական զեկույցների թարգմանությունները:
