Սերգեյ Մովսեսյանը՝ Եվրոպայի 10 լավագույն շախմատիստների շարքում
Հյուսիսային Մակեդոնիայի մայրաքաղաք Սկոպյեում ավատվեց տղամրդկանց շախմատի 2019թ Եվրոպայի անհատական առաջնությունը: Չեմպիոնի կոչումը նվաճեց ռուսաստանցի Վլադիսլավ Արտեմիեւը, որը շվեդ շախմատիստ Նիլս Գրանդելիուսի հետ 11 հնարավորից վաստակեց 8,5 միավոր, սակայն լրացուցիչ հաշվարկով գրավեց առաջին տեղը: 21-ամյա գրոսմայստերը հաջող է հանդես գալիս ընթացիկ մրցաշրջանում: Նա մինչ այդ հաղթել էր Ջիբրալթարի եւ Սկոպյեի միջազգային մրցաշարարերում, իսկ Ռուսաստանի հավաքականի կազմում դարձել էր աշխարհի չեմպիոն: Ութ շախմատիստներ միանգամից վաստակեցին 8-ական միավոր, այդ թվում հայ գրոսմայստեր Սերգեյ Մովսեսյանը, սակայն լրացուցիչ գործակիցներով մրցանակային 3-րդ տեղը բաժին հասավ լեհ Կաչպեր Պիորունին: Մեր շախմատիստն առաջնությունն ավարտեց 8-րդ հորիզոնականում: Նա կստանա 3000 եվրո պարգեւավճար, բացի այդ հանդես կգա շախմատի աշխարհի գավաթի խաղարկությունում: Մեր մյուս շախմատիստները թեեւ 50 տոկոսից ավելի արդյունք ցույց տվեցին, սակայն անհամեմատ համեստ տեղեր զբաղեցրին:
- Սերգեյ Մովսեսյան՝ 8 միավոր
- Հայկ Մ. Մարտիրոսյան՝ 7,5
- Հրանտ Մելքումյան՝ 7
- Ռոբերտ Հովհաննիսյան՝ 7
- Սամվել Տեր-Սահակյան՝ 6,5
- Շանթ Սարգսյան՝ 6,5
- Մանուէլ Պետրոսյան՝ 6,5
- Արման Փաշիկյան՝ 6,5
