«Գևորգ Կոստանյանը և Արթուր Դավթյանը պիտի քրեական պատասխանատվության ենթարկվեն» (տեսանյութ)
Գյումրեցի Ռուզաննա Ադանալյանը այսօր կրկին Կառավարության շենքի դիմաց բողոքի ակցիա էր անցկացնում: Նա պահանջում է, որ նախկին և ներկա գլխավոր դատախազներ Գևորգ Կոստանյանը և Արթուր Դավթյանը ենթարկվեն քրեական պատասխանատվության: «Գևորգ Կոստանյանը և Արթուր Դավթյանը հանցավոր համաձայնության գալով թաքցրել են որդուս սպանության շարժառիթը, դրվագները և առհասարակ խմբակային սպանություն կատարծված լինելու փաստերը: Նրանց տեղը քրեակատարողական հիմնարկն է»,-նշեց Ռուզաննա Ադանալյանը»: Ըստ Ռուզաննա Ադանալյանի՝ որդու սպանությունը կատարվել է խմբի կողմից, այն պատվիրված է եղել: 2014 թ. հոկտեմբերի 29-ին Գյումրիում՝ իր տանը սպանվել էր Ռուզաննա Ադանալյանի որդին՝ Արտյոմ Ադանալյանը: Ամբաստանյալի աթոռին միայն Արթուր Մարտիրոսյանն է հայտնվել։ Շիրակի մարզի ընդհանուր իրավասության դատարանը 2015թ. հունվարի 23-ին նրան դատապարտել է 11 տարվա ազատազրկման: Մանրամասն՝ տեսանյութում
