Հայաստանում ավելի վատ մարտի մեկեր կլինեն. Մենուա Հարությունյան (տեսանյութ)
Գերագույն խորհրդի պատգամավոր Ազատ Արշակյանը նշում է, որ մարտի 1-ին Հայաստանի քաղաքացիները առաջին անգամ պայքարեցին իրենց քաղաքացիական ազատությունների համար: Իսկ ահա քաղաքագետ Մենուա Հարությունյանը կարծում է, որ մարտի 1-ի դեպքերին պետք է տրվի քաղաքական գնահատական, այլապես, ինչպես ասում է նա,- Հայաստանում ավելի վատ մարտի մեկեր կլինեն: Մենուա Հարությունյանը նշում է, որ Հայաստանի անկախացումից հետո «Սորոս»-ային հիմնադրամները մտան Հայաստան, որոնց նպատակն է քանդել հայ-ռուսական հարաբերությունները: «Սորոս»-ի Հայաստանի տնօրեն Լարիսա Մինասյանը ասում է , որ հեղափոխության սկզբում աջակցել են սիրո և համերաշխության հեղափոխությանը: Դրսից ֆինանսավորվող օտարերկրյա կառույցը այսօր քաղաքական հայտարարություններ է անում, սա շատ վտանգավոր է: Մենք ապագայում հասնելու ենք նրան, որ «Սորոս»-ները և այն կազմակերպությունները, որ միջամտում են երկրի քաղաքական կյանքին՝ փակվեն: Ես խորը կասկածներ ունեմ, որ օտար փողերով Հայաստանի շատ քաղաքացիներ զբաղված են պետության շահերի դեմ պայքարելով, որը պետական դավաճանություն է»: Ազատ Արշակյանը առաջարկեց նոր օրենք ընդունել, որ օտարները իրավունք չունենան միջամտելու երկրի ներքին գործերին, իսկ ովքեր էլ միջամտեն նրանց անունները պետք է հեռուստաէկրանին և ամսագրերում ցուցադրեն նշելով, որ վտանգավոր են Հայաստանի պետության համար:
