Կառավարության դիմաց այսօր ընդամենը 2 բողոքող կար (տեսանյութ)
Այսօր կառավարության դիմաց մարդաշատ չէր: Իրենց խնդիրների մասին եկել էին բարձրաձայնելու ընդամենը երկու քաղաքացի:
Ռոլանդ Խոստիկյանը երեկվանից է կառավարության դիմաց, հացադուլ է հայտարարել: Նա ազատազրկվածների համար համաներում է պահանջում եւ արդար դատավարություն:
Ռոլանդ Խոստիկյանը 2-րդ կարգի հաշմանդամ է, առողջության համար անհանգստացած է:
«Որոշված չէ ինչքան եմ մնալու, անժամկետ»,- ասում է նա:
Կարինե Եգորյանը Հույսի Ավան թաղամասում բնակարան է ստացել եւ այնտեղ բնակվել ավելի քան 13 տարի, 2017 թվականի նոյեմբերի 14-ից հայտնվել է փողոցում՝ իր երկու անչափահաս տղաների հետ:
«Դիակոնիա բարեգործական կազմակերպության հետ պետք է բնակարանի պայմանագիր կնքեի, 60 հազար դրամ են պահանջել, չունեի, որ տայի: Նաեւ կոմունալ վճարների պարտքեր էին կուտակվել: Հարկադիրի միջոցով եկան եւ մեզ շպրտեցին դուրս»:
Կինը պահանջում է իր բնակարանը հետ վերադարձնել:
