Ապրիլի 7-ը՝ նշվեց նաեւ «Աբովյան» քրեակատարողական հիմնարկի կին դատապարտյալների համար
Ապրիլի 7-ին՝ մայրության և գեղեցկության տոնի կապակցությամբ, ՀՀ ԱՆ «Աբովյան» քրեակատարողական հիմնարկի կին դատապարտյալների համար կազմակերպվել էր տոնական միջոցառում: Հիմնարկի պետ, արդարադատության գնդապետ Գայանե Վարդանյանը հանդես գալով բացման խոսքով, ներկաներին փոխանցեց նաև Քրեակատարողական ծառայության պետ, արդարադատության գեներալ-մայոր Ռաֆայել Հովհաննիսյանի` օրվա խորհրդի առթիվ շնորհավորական խոսքը, մաղթելով նրանց խաղաղություն, սեր, բարօրություն, ինչպես նաև երկար սպասված ազատություն և վերադարձ հարազատ օջախներ:
Բացման խոսքից հետո ներկաները շրջեցին կին դատապարտյալների ձեռքի աշխատանքների ցուցահանդեսում: Այնուհետև խոհարարները հանդես եկան իրենց խոհարարական հմտություններով: Միջոցառումն ընդմիջվեց վարսահարդարների միջև անցկացվող մրցույթով, տեղի ունեցավ նաև մրցույթ-վիկտորինա: Լավագույնները պարգևատրվեցին մրցանակներով:
Գարնանային գեղեցիկ տոնի առթիվ կանայք հյուրընկալել էին Աբովյան քաղաքի «Կոտայք» մանկապատանեկան համույթի սաներին, ովքեր շարունակեցին բարձր տրամադրությունն ապահովել իրենց պարային կատարումներով: Փոքրիկներին հիմնարկի պետ Գայանե Վարդանյանը կանանց կողմից նվիրեց նրանց ձեռքով պատրաստված հուշանվերներ:
Միջոցառման վերջում քրեակատարողական հիմնարկի վարչակազմը ծաղիկներ նվիրեց կին կալանավորված անձանց և դատապարտյալներին:
ՀՀ ԱՆ ՔԿՎ հանրային կապերի բաժին
[caption id="attachment_1605988" align="alignright" width="640"]
????????????????????????????????????[/caption]
[caption id="attachment_1605989" align="alignright" width="475"]
????????????????????????????????????[/caption]
[caption id="attachment_1605990" align="alignright" width="603"]
????????????????????????????????????[/caption]
[caption id="attachment_1605991" align="alignright" width="480"]
????????????????????????????????????[/caption]
[caption id="attachment_1605992" align="alignright" width="640"]
????????????????????????????????????[/caption]
