Հրդեհի բարդության «Բիս-1» կանչով դեպքի վայր են մեկնել չորս մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը: Պարզվել է, որ հրդեհը բռնկվել է Մանանդյան փողոցի թիվ 29 հասցեում գտնվող հյուրանոցային համալիրում: Հրդեհը մեկուսացվել է ժամը 10:31-ին, մարվել է՝ 10:50-ին: Ամբողջությամբ այրվել են հյուրանոցի շոգեբաղնիքի փայտյա կառուցատարրերը (10 քմ) և գույքը՝ մասամբ: Փրկարարները տեղում իրականացրել են հերթապահություն: