Լաս Վեգասում զոհերի թիվը հասավ 58-ի. թարմացվող (տեսանյութ)
20.50 Լաս Վեգասում փառատոնի մասնակիցներին գնդակահարողը պարզվել է նույն քաղաքի 64 ամյա բնակիչ Սթիվեն Պադդոկն է, որը քիչ անց ոչնչացվել է հատուկ ջոկատայինների կողմից:
Այս մասին տեղեկացնում է ԲիԲիՍի-ն:
Լաս Վեգասի շերիֆի խոսքերով՝ այս պահին զոհվածների թիվը 58-ի է հասել:
515 քաղաքացիներ ստացել են տարբեր աստիճանի մարմնական վնասվածքներ:
14.57 Լաս Վեգասում զոհերի թիվը հասել է 50-ի, տուժածների թիվը՝ 200-ի։
13. 00 Լաս Վեգասի ոստիկանությունը հայտնել է, որ կրակոցների արդյունքում 20 մարդ է զոհվել, 100-ը՝ ստացել տարբեր կարգի վնասվածքներ։ Կրակողը ոչնչացվել է հատուկ գործողության արդյունքում։
10. 45. Լաս Վեգասի կազինոներից մեկի մոտ՝ փառատոնի ժամանակ, կրակոցներ են հնչել, ինչի արդյունքում մի քանի հոգի տեղափոխվել է հիվանդանոց։ Ըստ ականատեսների առնվազն 2 զոհ կա ու 70-ից ավելի վիրավոր։
Ականատեսները չեն կարողանում հստակեցնել՝ արդյո՞ք զոհեր կան, սակայն պնդում են, որ կրակահերթը բավական երկար է եղել։ Այս մասին հաղորդում է ԲիԲիՍի-ն։ Հայտնվում է, որ կրակը շարունակվում է կազինոյի մոտ գտնվող հյուրանոցի 32-րդ հարկից՝ ոստիկանական մեքենաների ուղղությամբ։ Հատուկ գործողության իրականացման համար ժամանակավորապես դադարեցվել են Լաս Վեգասի օդանավակայանի թռիչքները։
