Առաջիկա 5 օրվա եղանակի կանխատեսում
Հանրապետության տարածքում`
Հոկտեմբերի 2-3-ը ժամանակ առ ժամանակ, 4-ին` հատկապես գիշերը և երեկոյան ժամերին շրջանների զգալի մասում սպասվում է անձրև և ամպրոպ, ամպրոպի ժամանակ քամու ուժգնացում՝ 17-22 մ/վ արագությամբ:
Հոկտեմբերի 5-6-ին սպասվում է առավելապես առանց տեղումների եղանակ: Քամին՝ հարավ-արևմտյան՝ 3-8 մ/վ: Օդի ջերմաստիճանը հոկտեմբերի 2-3-ը կնվազի 5-6 աստիճանով, 5-6-ին՝ ցերեկը կբարձրանա 3-4 աստիճանով:
Երևան քաղաքում՝
Հոկտեմբերի 2-3-ը ժամանակ առ ժամանակ, 4-ին` հատկապես գիշերը և երեկոյան ժամերին սպասվում է անձրև և ամպրոպ, ամպրոպի ժամանակ քամու ուժգնացում՝ 15-20 մ/վ արագությամբ: Հոկտեմբերի 5-6-ին սպասվում է առավելապես առանց տեղումների եղանակ:
Ըստ ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանի՝ հոկտեմբերի 2-ին Հայաստանի տարածքի վրա միմյանց կբախվեն հյուսիս-արևմուտքից ներթափանցող արկտիկական և Միջերկրական ծովից եկող արևադարձային տաք օդային հոսանքները, ինչը կբերի ակտիվ ցիկլոնի առաջացման: Հոկտեմբերի 2-ին և 3-ին Հայաստանը կգտնվի այդ ցիկլոնի ազդեցության գոտում, որի արդյունքում բոլոր մարզերում կտեղան առատ անձրևներ և օդի ջերմաստիճանը կնվազի 5-6 աստիճանով:
