Ինչու Հայաստանը չի դատապարտում եզդիների ցեղասպանությունը (տեսանյութ)
Ֆրանսիայի սենատը դատապարտեց ցեղասպանությունը, որը «Իսլամական պետությունը» իրականացնում է եզդի ժողովրդի հանդեպ արդեն երեք տարի։ «Այս բանաձևը մեր հարցերի վերջնական լուծումը չէ, բայց սա գործիք է եզդիական խնդիրը բարձրաձայնելու և, ըստ այդմ, լուծումներ գտնելու համար: Շատ կարևոր գործիք է, քանի որ Ֆրանսիան միջազգային հանրության կարևոր խաղացողներից մեկն է և շատ կարևոր դերակատարում կարող է ունենալ այս բանաձևում»,-ասում է «Սինջար եզդիների ազգային միավորման» նախագահ Բորիս Մուրազին: Նրան զարմացնում է, թե ինչու Հայաստանը մինչ օրս պաշտոնապես չի դատապարտել եզդիների ցեղասպանությունը: Դատապարտող հայտարարությունը ներկայացրել էր «Բարգավաճ Հայաստան» խմբակցությունը, բայց այն դեռ չի քվեարկվել։ Մուրազին, որն անձամբ է մասնակցել համապատասխան հայտարարության մշակմանը, գոհ չէ զարգացումներից։ Նույնիսկ եթե ընդունվի էլ հայտարարությունը, այն ամբողջովին չի ներկայացնի իրական պատկերը. «Այս պահին հայտարարության նախնական տեքստից շատ քիչ բան է մնացել, որովհետև, նախ, ցեղասպանություն բառը հանվել է, տեքստից դուրս է մնացել, թե ում ենք դատապարտում: ԴԱԻՇ-ի անունը հանվել է ԱԺ մեծամասնության պահանջով, թե Հայաստանը և Մերձավոր Արևելքի հայկական համայնքը կարող են հայտնվել ԴԱԻՇ-ի թիրախում: Ինձ համար առնվազն անհասկանալի են այս մեկնաբանությունները, որովհետև այսպես, թե այնպես՝ որտեղ ԴԱԻՇ-ի ձեռքը հասնում է, հայկական համայնքին վնասում է»: Իսկ 2014 թվականի օգոստոսին Իրաքի Հյուսիսում Իսլամական պետության կողմից իրականացված սպանդի արդյունքում զոհվել է ավելի քան 10 հազար եզդի, 400 հազարից ավելի եզդի դարձել է փախստական: Մանրամասները՝ տեսանյութում