Ժիրայր Սեֆիլյանին նոր մեղադրանք է առաջադրվել. Նանոր Սեֆիլյան
«100-ամյակն առանց ռեժիմի» շարժման ղեկավար, Շուշիի առանձնակի գումարտակի հրամանատար Ժիրայր Սեֆիլյանին առաջադրված մեղադրանքներին ավելացել է եւս մեկը՝ շենքեր շինություններ գրավելու նախապատրաստում հոդվածը, որը նախատեսում է պատժաչափ՝ 5-ից 8 տարի: Այս մասին գրել է Ժիրայր Սեֆիլյանի կինը՝ Նանոր Սեֆիլյանը: Մեզ դեռևս չի հաջողվել մանրամասներ ճշտել փաստաբաններից։ Հիշեցնենք, որ հունիսի 20-ից անազատության մեջ գտնվող Ժիրայր Սեֆիլյանին մեղադրանք էր առաջադրվել մի խումբ անձանց հետ, զենքի գործադրմամբ, շենքեր, շինություններ, հաղորդակցության և կապի միջոցներ, այդ թվում՝ Երևանի հեռուստաաշտարակը զավթելու մեջ, ինչի ընթացքում էլ վերջինս կազմակերպել է մի խումբ անձանց կողմից ապօրինի կերպով զենք և ռազմամթերք ձեռք բերելը, փոխադրելը եւ տարբեր վայրերում դրանք ապօրինի կերպով պահելը:
