Բացել լրահոսը Փակել լրահոսը
A A

Արայիկ Խանդոյանը չի համարում, որ  պարտվել  է ընտրություններում (տեսանյութ)

Քաղաքականություն
arayik

«Սասնա ծռեր» խմբի անդամ  Արայիկ Խանդոյանը չի համարում, որ պարտվել է Ծաղկահովիտ համայնքի ղեկավարի ընտրություններում: «Երկու կարեւորագույն հանգամանքների վրա նա շեշտադրում արեց: Առաջինը՝ որ ամեն դեպքում հաղթանակ էր եւ այն պայմաններում, որ ընթացան ընտրությունները, ճնշումները, սահմանափակումները, վարչական լծակները, այն ամենը ինչը տեղի  ունեցավ, ընդհուպ ընտրակաշառքների բաժանումը»,- ասաց Արայիկ Խանդոյանի պաշտպան Արայիկ Պապիկյանը: Պաշտպանը երեկ ուշ երեկոյան է այցելել «Նուբարաշեն» ՔԿՀ-ում գտնվող Արայիկ Խանդոյանին: «Առաջինը,  երբ հարցրեցի նրա որպիսությունը, ասաց՝ գերազանց եւ իր համար թեւավոր դարձած խոսքը՝ մենք կանգուն ենք մեր լեռների պես»: Սեպտեմբերի 18-ին Ծաղկահովիտում Արայիկ Խանդոյանի օգտին քվեարկել է 257 ընտրող: «Ինքը համարում է, որ այդքան մարդ ընտրեց ազատությունը՝ ոչ ասելով ստրկությանը եւ բռնապետությանը»,- իրենց զրույցից փոխանցեց Արայիկ Պապիկյանը: Պաշտպանին Արայիկ Խանդոյանը փոխանցել է, որ   ընտրություններից հետո եւս մեկ  անգամ հաստատվեց «Սասնա Ծռեր»-ի գաղափարախոսությունը. «Որ ներկա պայմաններում ընտրությունները միջոց չեն ժողովրդաիշխանության հաստատման համար»: «Սասնա ծռեր» խմբի անդամ Արայիկ Խանդոյանը մեղադրվում է ՊՊԾ գունդը գրավելու ժամանակ  պատանդ վերցնելու եւ ապօրինի զենք-զինամթերք ձեռք բերելու, պահելու եւ իրացնելու մեջ: