Քարիմովն «անձամբ պաշտոնապես» կհայտարարի իր մահվան մասին
Ուզբեկստանում արգելված fergananews.com կայքի խմբագիրը բացատրել է, թե ինչու առ այս պահը Ուզբեկստանի իշխանությունները պաշտոնապես չեն հայտարարում նախագահ Իսլամ Քարիմովի մահվան մասին: Ըստ նրա, Քարիմովն իր 27-ամյա իշխանության զոհն է:
Այդ ընթացքում նա ստեղծել է միայն բուտաֆորիկ խորհրդարան եւ չաշխատող օրենքներ՝ մոռանալով, որ ինքն անմահ չէ: Կայքի խմբագիրը մեջբերում է վերջին օրերի ֆեյսբուքյան ամենատարածված կատակը՝ ակնհայտ է, որ Ուզբեկստանում ոչ ոք չի կարող խոսել Իսլամ Քարիմովի փաստացի մահվան մասին, մինչեւ դա չհայտարարի հենց ինքը՝ Իսլամ Քարիմովը:
Հիշեցնենք՝ պաշտոնապես ասվել է հետևյալը. «Ուզբեկստանի նախագահ Իսլամ Քարիմովի վիճակը ծայրահեղ ծանր է»: Սակայն Սամարղանդում արդեն իսկ ընթանում են գերեզմանի հողային աշխատանքները։
Ի դեպ, Ռոյթերսը գրել է, որ Իսլամ Քարիմովը մահացել է: Այս մասին հաղորդել են դիվանագիտական աղբյուրները:
Լուսանկարները՝ fergananews-ի
