Բացել լրահոսը Փակել լրահոսը
A A

«Ադրբեջանը հոգեվարքի մեջ է»

Քաղաքականություն
e42575eb75d549c3b2a997f555936c05

«Ադրբեջանցիները ուզում են վերականգնել իրենց իշխանությունը Լեռնային Ղարաբաղի վրա: Պարզ է, որ չի հաջողվի: Զարգացումները ինչ- որ պահի կարող են վերահսկողությունից դուրս գալ:  Վերջին երեք տարում մենք տեսել ենք մի քանի անգամ լարվածության շատ բարձր աստիճան: Պատերազմի մասին էինք խոսում եւ այլն եւ այլն, լարված իրավիճակներ: Բայց ակնհայտ երեւում էր, որ կարմիր գիծը նույնիսկ Ադրբեջանը չի անցնում: Այս անգամ ես տեսնում եմ, որ հնարավորությունը  այդ կարմիր գիծը անցնելու ավելի բարձր է, քան նախկինում է եղել»,- անդրադառնալով Ադրբեջանի կողմից Լեռնային Ղարաբաղի  սահմանի ողջ երկայնքով տեղի ունեցող ռազմական գործողություններին՝  նշեց քաղաքագետ, «Գլոբալիզացիա եւ տարածաշրջանային համագործակցություն» հասարակական կազմակերպության նախագահ Ստեփան Գրիգորյանը: Նրա խոսքերով՝վերջին միջադեպերով  Ադրբեջանն ուզում է աշխարհին ասել, որ Ղարաբաղի հարցը լուծված չէ: Հիմա դրան  գումարվեցին մի շարք  խնդիրներ: Վաշինգթոնի գագաթաժողովում  ադրբեջանցիները  հասկացան, որ իրենց նախագահի  ելույթը ոչ մի ազդեցություն չունեցավ:  Ըստ քաղաքագետի՝ նաեւ  հասկացան, որ իրենց վարկանիշը այսօր շատ  ցածր է, քանի որ Մարդու իրավունքների  ոլորտում կտրուկ անկում է, մեծ թվով ձերբակալված անձինք կան՝ չնայած մի մասին բաց են թողել: «Հոգեվարքի մեջ են, չգիտեն ինչ անել: Հասկանում են, որ կորցնում են Ղարաբաղը:  Նույնիսկ ԱՄՆ-ի, Ավստրալիայի   նահանգները  ճանաչեցին ԼՂՀ անկախությունը:  Բարձր կարգի պատվիրակություններ են մտնում Ղարաբաղ, եթե այս ամենը գումարում ենք շատ հասկանալի է, որ նյարդացած է Ադրբեջանի ղեկավարությունը կարող է ոչ նորմալ քայլեր անել, ինչի ականատեսն ենք մենք հիմա»,- եզրափակեց Ստեփան Գրիգորյանը: