Բացել լրահոսը Փակել լրահոսը
A A

 Ոստիկանները Գասպարիին չեն հասցրել բերման ենթարկել (տեսանյութ)

Քաղաքականություն
gaspari-nkar-1

Քաղաքացիական ակտիվիստ Վարդգես Գասպարիի գործով պաշտպաններն այսօր դատարանին միջնորդեցին ապացույցների  հետազոտման համար վերսկսել  դատաքննությունը: «Որպեսզի մենք հնարավորություն ունենանք մասնակցելու այդ փուլին եւ անելու մեր հայտարարությունները»,-ասաց փաստաբան Լուսինե  Հակոբյանը: Դատավորը  սակայն միջնորդությունը չբավարարեց՝ նշելով, որ դատաքննությունն արդեն ավարտվել է եւ  պաշտպանական կողմը պետք է հանդես գա ճառով:  Թեեւ պաշտպանական կողմը ճառին պատրաստվելու համար միջնորդեց  տրամադրել 12 աշխատանքային օր , սակայն դատավորը միայն մեկ օր տվեց: «Դատավորն արդեն իսկ իր դրսեւորած վարքագծային ուղղությունից,  որեւէ շեղում թույլ չի տալիս եւ շարունակում է խախտել մեր վստահորդի արդար դատաքննության իրավունքը»,- ավելացրեց Վարդգես Գասպարիի պաշտպան Լուսինե Հակոբյանը: Նախորդ դատական նիստին դատավորը   Գասպարիին բերման ենթարկելու որոշում էր կայացրել: «Երբ որ մենք դատարանի  ճանապարհին էինք , օֆիսից ինձ զանգեցին եւ ասացին, որ ինչ որ ոստիկաններ են եկել ինձ բերման ենթարկելու»,- փոխանցեց Վարդգես Գասպարին: Ոստիկանության երկու ներկայացուցչի եւ դատավորի հասցեին վիրավորական արտահայտություններ հնչեցնելու համար   մեղադրվող     Գասպարին չի օգտվելու իր ճառի իրավունքից, սակայն վերջին խոսքով հանդես կգա: Գործով դատական նիստը   կշարունակվի մարտի 25-ին: