Բացել լրահոսը Փակել լրահոսը
A A

Զ. Փոստանջյանի նախագիծը՝ ՀՀ կայացման մասին

Քաղաքականություն
934119b0dd6a3e2cca2a8605f7ef475b

ՀՀ ԱԺ «Ժառանգություն» խմբակցության պատգամավոր Զարուհի Փոստանջյանի հեղինակած «Հայաստանի Հանրապետության կայացման մասին» Հայաստանի Հանրապետության Ազգային ժողովի հայտարարության նախագիծը: ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՀԱՅՏԱՐԱՐՈՒԹՅԱՆ ՆԱԽԱԳԻԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՅԱՑՄԱՆ ՄԱՍԻՆ Հայ ժողովուրդը ժամանակակից պատմական շրջանում (1918-2016 թվականներ) իր հայրենիքի մի փոքր մասում հանրապետական կառավարման ինստիտուտների անվան ներքո փորձել է ապրել և բանեցնել իշխանություն: Շուրջ 100 տարի նրան չի հաջողվել ստեղծել հանրապետական կառավարման արդյունավետ ինստիտուտներ: 1918 թվականի մայիսի 28-ին Հայաստանի Հանրապետության Անկախության հռչակումը, 1919 թվականի մայիսի 28-ին Հայաստանի ՀանրապետությանՀՀհհհհհՀանրապետության կառավարության ընդունած Միացյալ և Անկախ Հայաստանի Անկախության հռչակագիրը (որով մեկ պետության մեջ միավորված հայտարարեց «Անդրկովկասում և Օսմանյան կայսրության սահմաններում գտնվող պապենական հայկական երկրները»), Արցախը Հայաստանին վերամիավորելու 1989 թվականի դեկտեմբերի 1-ի որոշումը, 1990 թվականի օգոստոսի 23-ի Հայաստանի Հանրապետության Անկախության հռչակագիրը, Արցախի մասամբ ազատագրումը և ազգային կանոնավոր զինված ուժերի ստեղծումը ժամանակակից պատմական շրջանի կարևոր եզակի նվաճումներից են հայ ժողովրդի բնականոն զարգացումն ապահովելու համար: Հայ ժողովրդի բնականոն զարգացման անհրաժեշտ երաշխիքը` ազգային արդյունավետ հանրապետական կառավարման ինստիտուտները, դեռ չեն գործում: Քաղաքացիական և քաղաքական ազատությունները հիմնականում մնացել են անհասանելի: Գործունեությամբ զբաղվելու ազատ ընտրության հնարավորությունը (հանրային ծառայություն կամ ձեռնարկատիրություն), ինչը տրվում է յուրաքանչյուրին ազգային արդյունավետ հանրապետական կառավարման ինստիտուտների ներքո, շարունակում է մնալ սահմանափակված մարդու քաղաքական, սոցիալական և տնտեսական հնարավորությունների բացակայությամբ: Մարդու անհատական գործունեությունը ձախողված է հանրային կառավարման կառուցվածքի սնանկության հետևանքով: Հանրային կառավարման կառուցվածքի սնանկությունն ունի տարբեր և բազմաշերտ պատճառներ, սակայն ամենակարևոր պատճառն ընտրությունների բացակայությունն է: Ազատ խոսքը և ընտրությունը բացակայել են այս 100 տարիների ընթացքում, որի հետևանքով առաջացել է ազգային անվտանգության խնդիր (տնտեսական անվտանգության): 1918 թվականից հռչակված Հայաստանի Հանրապետություն բառերը շուրջ 100 տարի վերարտադրվել են` չծառայելով իրենց էությանը և առաքելությանը: Անազատության հիմնական ակունքը բռնապետությունն է: Բռնապետության հիմնական կանոնի ժամանակակից ձևակերպումն է. «Եթե անգամ իրենք հավաքած լինեին 100 տոկոսանոց ձայն, միանշանակ է, որ ո՛չ բանակը, ո՛չ ներքին գործերը նման քաղաքական ղեկավարներ չեն ընդունելու և չեն ընդունել», իսկ դրսևորման գագաթնակետն է 2008 թվականի մարտի 1-ի զոհերն ու վիրավորները: Հայաստանի Հանրապետության Ազգային ժողովը.

  • Դատապարտում է շուրջ 100-ամյա բռնապետությունը:
  • Ճանաչում է բռնապետներին որպես ազգային անվտանգության սպառնալիք:
  • Հաստատում է հավատամքը գալիք իրական Հայաստանի Հանրապետությանը:
  • Պարտավորվում է ծառայել իրական Հայաստանի Հանրապետությանը:
  ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՀԱՅՏԱՐԱՐՈՒԹՅԱՆ ՆԱԽԱԳԾԻ ՀԻՄՆԱՎՈՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՅԱՑՄԱՆ ՄԱՍԻՆ Հայաստանի Հանրապետության դաշնակցական կառավարումը` «քաղաքական և պետական մեկ միություն համազգային հատվածների ու երկրամասերի» հռչակմամբ և պարտականություն ստանձնելով հնարավորություն չունեցավ կյանքի կոչել, ինչը պայմանավորված էր և´ օբյեկտիվ, և´ սուբյեկտիվ պատճառներով: Բոլշևիկյան, հետագայում` կոմունիստական կառավարումը ոչ միայն շարունակեց ցարիզմի և օսմանիզմի կայսերական քաղաքականությունը, այլև տապալեց Հայաստանի Հանրապետության կայացումը և զարգացումը: Վերջին 25 տարիներին ՀՀՇ-ՀՀԿ-ական կառավարումը, ունենալով օբյեկտիվ պայմաններ զարգացնելու Հայաստանի Հանրապետությունը, իր հերթին ահռելի վնաս պատճառեց հայ ժողովրդին և Հայաստանի Հանրապետության կայացմանը: Հայաստանի Հանրապետության դատական համակարգ. «Եթե պատշաճ գործեին Վճռաբեկ դատարանի և նրա երկու պալատների նախագահները…, ապա դատական անօրեն վճիռներով հազարավոր սովորական մարդկանցից չէին խլի տունը, փողը, աշխատավարձը, սեփական երեխային, բանտերում չէին հայտնվի անմեղ մարդիկ, իսկ հանցագործները չէին մնա ազատության մեջ: Եթե այդ երեք նախագահները արդարություն ապահովեին, ապա Հայաստանից չէին հեռանա տասնյակ ներդնողներ, ում թալանել են հենց դատարաններում, իսկ հայ գործարարները չէին համակերպվի մաքսակետերում ապօրինի և երկակի ստանդարտներով կիրառվող հսկիչ գների, ինչպես նաև օլիգարխներ ստեղծելու և պահելու այլ եղանակների հետ»: Հայաստանի Հանրապետության գործադիր համակարգ. 2016 թվականի փետրվարի դրությամբ Հայաստանի Հանրապետությունում աղքատ և ծայրահեղ աղքատ բնակչության թիվը կազմում է 42 տոկոս: Հայաստանի Հանրապետության պետական պարտքը կազմում է ավելի քան 5 միլիարդ դոլար: Հայաստանի Հանրապետության շուրջ մեկ ու կես միլիոն քաղաքացիների արտագաղթ: Հայաստանի Հանրապետության օրենսդիր համակարգ. Քվեարկել է կողմ Եվրասիական տնտեսական միության անդամակցությանը: Հայաստան-Թուրքիա արձանագրությունները տարիներ շարունակ պահել է օրակարգում: Համաձայնություն է տվել ռուսական ռազմաբազայի տեղակայման ժամկետի անվճար և առանց փոխշահավետության տասնյակ տարիների երկարաձգմանը: Համաձայնություն է տվել տնտեսական անվտանգության գլխավոր բաղադրիչ կազմող Հայաստանի Հանրապետության էներգետիկ և կապի (երկաթգիծ) ոլորտի սեփականությունը և ինքնիշխան իրավունքները հանձնել այլ պետությանը (Ռուսաստանի Դաշնությանը): Համաձայնություն է տվել պատգամավորների նկատմամբ հանիրավի անցկացնել քրեական հետապնդում և կալանավորում: Համաձայնություն է տվել Հայաստանի Հանրապետության զինված ուժերն օգտագործել քաղաքական այլակարծությունը ճնշելու համար: ՀՀ ԱԺ «Ժառանգություն» խմբակցության լրատվական ծառայություն 01 մարտի 2016թ.