A
A
Ուորլիքը դժգոհություն է հայտնել ԼՂ-ին առնչվող ԵԽԽՎ զեկույցի վերաբերյալ
«ԵԽԽՎ-ն և մյուս միջազգային կազմակերպությունները պետք է խորհրդակցեն ԵԱՀԿ Մինսկի խմբի համանախագահների հետ՝ Լեռնային Ղարաբաղի վերաբերյալ զեկույցներ կամ բանաձևեր հրապարակելուց առաջ»,- Թվիթերի իր էջում քիչ առաջ գրել է գրել է ԵԱՀԿ ամերիկացի համանախագահ Ջեյմս Ուորլիքը: Հիշեցնենք, որ 2 օր առաջ Փարիզում ԵԽԽՎ քաղաքական հանձնաժողովի նիստում քննարկվեց Ռոբերտ Ուոլտերի խնդրահարույց զեկույցը Լեռնային Ղարաբաղում իրավիճակի սրացման վերաբերյալ՝ «Բռնության էսկալացիան Լեռնային Ղարաբաղում և Ադրբեջանի այլ գրավյալ տարածքներում»: 24 կողմ, 16 դեմ ձայներով հանձնաժողովը զեկույցն ընդունեց՝ մերժելով հայկական պատվիրակության առաջարկը՝ հետաձգել զեկույցի քննարկումը և նոր զեկուցող նշանակել։
