Բացել լրահոսը Փակել լրահոսը
A A

Կառավարությունը կմերժի Նիկոլ Փաշինյանի առաջարկած նախագիծը

Քաղաքականություն
kar

Կառավարության վաղվա նիստի օրակարգում է ԱԺ պատգամավոր Նիկոլ Փաշինյանի առաջարկը՝ Հավանություն տալ «Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» Հա­յաստանի Հան­­րա­­պե­տու­թյան օրենքում լրացումներ կատարելու մասին» Հա­յաս­­տանի Հան­րա­­պե­տու­թյան օրենքի նա­խա­­գծի վերաբերյալ Հայաս­տա­նի Հան­րա­պե­տու­թյան կառավա­րու­թյան եզրա­­կա­­ցության նախա­գծին և այն սահմանված կարգով ներ­կա­յացնել Հայաստանի Հան­րա­­պե­տության Ազգային ժո­ղով: Այս հարցով վարչապետ Հովիկ Աբրահամյանը դիմել է ԱԺ նախագահ Գալուստ Սահակյանին եւ նշել, որ կառավարությունը դեմ է այս նախագծի ընդունմանը՝ մի շարք պատճառներով. Ձեզ ենք ներկայացնում Հայաստանի Հանրապետության կառավարության եզրա­կա­ցու­թյունը Հայաստանի Հանրա­պետու­թյան Ազ­­գա­յին ժողովի պատգամավոր Նիկոլ Փաշինյանի՝ օրենսդրա­կան նա­­խա­ձեռ­­նու­թյան կարգով ներ­կա­յացրած «Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» Հա­յաստանի Հան­­րա­­պե­տու­թյան օրենքում լրացումներ կատարելու մասին» Հա­յաս­տանի Հան­րա­­պե­տու­թյան օրենքի նա­խա­­գծի (Պ-846-14.08.2015-ՊԻ-010/0) վերաբերյալ: Ներկայացված նախագծով առաջարկվում է «Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» ՀՀ օրենքի 8-րդ հոդվածը լրացնել 3-րդ մասով՝ հետևյալ բովանդակությամբ. «3. Եթե սույն օրենքով նախատեսված կարգով արձանագրված խախտումն իրականացվել է առնվազն 15 տարվա գործարանային թողարկման, կամ առնվազն 10 տարվա գործարանային թողարկման և 250-ից 350 ձիաուժ հզորությամբ շարժիչով, կամ մինչև 120 ձիաուժ հզորությամբ շարժիչով թեթև մարդատար ավտոմոբիլով, կամ ավտոբուսով` վարչական ակտով տուգանքները նշանակվում են Վարչական իրավախախտումների վերաբերյալ ՀՀ օրենսգրքով սահմանված տուգանքների 50 տոկոսի չափով»: Նախագծին կից ներկայացված հիմնավորման համաձայն` նախագծի ընդունման պարագայում ճանապարհային երթևեկության կանոնների խախտման համար տուգանքներ նշանակելիս որոշակի տարբերակում կդրվի և սոցիալապես պակաս ապահովված վարորդների տուգանքի չափերը կնվազեն 50 տոկոսով, ինչի արդյունքում կթեթևանա երթևեկությանը հետևող տեսանկարահանող և լուսանկարահանող սարքերի գործունեության արդյունքում ՀՀ քաղաքացիների ուսերին ծանրացող ֆինանսական բեռը: Հայաստանի Հանրապետության սահմանադրության 14.1-ին հոդվածի համաձայն՝ բոլոր մարդիկ հավասար են օրենքի առջև: Խտրականությունը, կախվածսեռից, ռասայից…գույքային վիճակից, ծնունդից, հաշմանդամությունից, տարիքից կամ անձնական կամ սոցիալական բնույթի այլ հանգամանքներից, արգելվում է: Օրենքի առջև հավասարության և խտրականության արգելման վերաբերյալ սահմանադրական սկզբունքները ամրագրված են նաև Մարդու իրավունքների համընդհանուր հռչակագրում (հոդվածներ 2, 7), Քաղաքացիական և քաղաքական իրավունքների մասին միջազգային դաշնագրում (հոդվածներ 2, 26), Մարդու իրավունքների և հիմնարար ազատությունների պաշտպանության մասին եվրոպական կոնվենցիայում (հոդված 14) և բազմաթիվ այլ փաստաթղթերում... Հաշվի առնելով նաև այն հանգամանքը, որ նախագծի ընդունման դեպքում վարորդների համար կստեղծվեն պատասխանատվության տարբեր պայմաններ՝ կախված գույքային վիճակից, Հայաստանի Հանրապետության կառավարությունը դեմ է ներկայացված օրենքի նախագծի ընդունմանը: Օրենքի նախագծի ընդունումըՀ այաստանի Հանրապետության կառավարության որոշման կամ այլ իրավական ակտի ընդունման անհրաժեշտություն չի առաջացնում: Միաժամանակ հայտնում ենք, որ հարակից զեկուցմամբ հանդես կգա Հայաստանի Հանրապետության արդարադատության նախարարի ժամանակավոր պաշտոնակատար Ա. Մկրտչյանը: