Անդրադառնալով Գյումրու ոճրագործությանը՝ «Ազգային ժողովրդավարների դաշինք» կուսակցության նախագահ Արշակ Սադոյանն այսօր նշել է՝ դա հրաման էր, որը նա կատարում էր. «Եթե հրաման չէր, դա կիսախփնված մարդու հանցա՞նք էր: Եթե ռուսի ուղեղն ուտում են արեւմտյան կողմը, նշանակո՞ւմ է, որ դա խայտառակ բան է: Պերմյակովի ուղեղը կերել են, կաթացրած ուղեղով դուրս է եկել»: ԱԺ ՀՀԿ պատգամավոր Լեռնիկ Ալեքսանյանը նշում է, որ տվյալներ ունի՝ այսօր Գյումրիում ռուսներին խանութներում չեն սպասարկում. «Դա շատ բացասական երեւույթ է: Պետականությունը չպետք է շփոթել ժողովրդի հետ: Այսօր պետք է հասկանաք նաեւ քաղաքական գործիչների զսպվածությունը: Ինչ է, ա՞ղ լցնենք այդ վերքի վրա: Եթե կան կազմակերպիչներ, դա ռուսական կողմը չէ: Այսօր սահմանային լարվածությունն ինչի՞ հետ է կապված: Դեռ հարց է՝ Գյումրի դեպքը թուրքակա՞ն կողմից է, թե՞ մեկ այլ ուժերի կողմից, որն ուղղված է Ռուսաստանին»: Ռոբերտ Քոչարյանի վերջին հարցազրույցի հետ կապված Արշակ Սադոյանն ասում է, որ իրեն կոչ են անում, որ այս օրերին կրակի վրա յուղ չլցնի, բայց Քոչարյանը լցնում է: Ասուլիսն ամբողջությամբ՝ տեսանյութով