Գազի սակագնի փոփոխության մասին բանակցություններն ընթացքի մեջ են
«Գազի սակագնի փոփոխության մասին բանակցություններն ընթացքի մեջ են»,-այսօր լրագրողներին հետ հանդիպման ժամանակ ասաց Էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը՝ ամփոփելով նախարարության վեցամսյա աշխատանքները: «Որևիցե նոր բան ասել չենք կարող, ստեղծված է աշխատանքային խումբ՝ փոխվարչապետի գլխավորությամբ»,- տեղեկացրեց նախարարի պաշտոնակատարը: Հարցին, թե ինչու է ԵԱՏՄ երկներից մեկը՝ Բելառուսը, ավելի էժան գազ ստանում Ռուսաստանից, քան Հայաստանը, նախարարի պաշտոնակատարը նշեց, որ Բելառուսն անմիջապես սահմանակից է ՌԴ-ին և իրեն մատակարարվող գազը ավելի էժան է: Մեր բանակցություններն ընթանում են այդ ուղղությամբ, որ սահմանի բոլոր գները լինեն համադրելի: Այսօր գազի սակագինը ձեւավորվում է 2013թ. վերջի եւ 2014թ-ի սկզբիին հաստատված միջպետական համաձայնագրերով»: Ըստ Բաղրամյանի՝ Հայաստանի գազի սակագնի մասին խոսելիս, պետք է հաշվի առնել տարանցման արժեքը, որը կատարվում է Վրաստանի տարածքով. «Բանակցություններ են տարվում, որպեսզի հայկական կողմին էլ մատակարարվի նույն գնով: Այս պահին գազը սահմանին 150 դոլարով է վաճառվում»: