Ինչո՞ւ էին սպասում, որ Վահագն Հարությունյանը երկրից մեկնի. Սեդա Սաֆարյան (տեսանյութ)
Մարտի 1-ի գործով փաստահավաք խմբի անդամ Սեդա Սաֆարյանը միշտ էլ համոզված է եղել, որ Մարտի մեկի գործով ապացույցները կեղծվել են.
«Զննության արձանագրություններ են կիսատ-պռատ կատարվել, դատաբժշկական փորձաքննության եզրակացություններն են կասկածի տակ, էլ չեմ ասում, ո ր ամենաակնառու ապացույցի կեղծումը Համլետ Թադեւոսյանի զրահաբաճկոնի անհայտանալն էր»
Սեդա Սաֆարյանի կարծիքով, ՀՔԾ գործողությունները՝ գործով քննչական խմբինախկին ղեկավար Վահագն Հարությունյանին որպես մեղադրյալ ներգրավվելն,ուշացած են:
Սաֆարյանը այնպիսի տպավորություն ունի, որ պատրանքային արդարադատություն է իրականացվում:
«Մի տեսակ, ոնց որ սպասեն, որ Հայաստանից բոլորը գնան, ովքեր կասկածահարույց են, ովքեր առնչվում են Մարտի մեկի քննության ձախողումների հետ։ Վախենամ, որ բոլորը Հայաստանից գնան, նոր սկսվի գործընթացը»,- ասաց նա: