Աբխազիայով Ռուսաստան ճանապարհը հնարավոր է բացվի (տեսանյութ)

Վրացագետ Արիկ Էլոյանի խոսքով 2012-ին հարևան Վրաստանում տեղի ունեցած իշխանափոխությունից հետո սպասվում էր, որ ռուս- վրացական հարաբերությունները կբարելավվեն, ըստ նրա տնտեսական ոլորտում որոշ փոփոխություններ են եղել.

«Ռուսաստանն առաջինն է Վրաստան այցելած զբոսաշրջիկների թվով»:

Քաղաքական տեսանկյունից երկու երկրների հարաբերությունները բավականին լարված են մնում, վրացագետը օրինակ է բերում Վրաստանի հնարավոր անդամակցությունը ՆԱՏՕ-ին և Վլադիմիր Պուտինի այն հայտարարությունը, որ Ռուսաստանը ՆԱՏՕ-ին ընդլայնումն արևելքում չի հանդուրժի:

Ըստ Արիկ Էլոյանի հավանականություն կա, որ Աբխազիայով դեպի Ռուսաստան ճանապարհը բացվի.

«Համաձայնությունը կա երկու կողմերի միջև, Վրաստանը ստորագրել է պայմանագիրը, հնարավոր է արդեն այս տարվա վերջում ճանապարհը բացվի, վրացական կողմն էլ հայտարարել է, որ հայերը կկարողանան օգտվել դրանից»:

Վրացագետի խոսքով վերջին տարիներին հայ- վրացական համագործակցության զարգացման տեմպը մի փոքր ընկել է.

«Ներուժն առկա է, որն անհրաժեշտ է օգտագործել, հայկական թավշյա հեղափոխությունը կարող է մեծ ազդեցություն ունենալ, հիմա մթնոլորտը բավականին դրական է»:

Վրացագետի խոսքով Հայաստանն ու Վրաստանը բնական դաշնակիցներ են և չկան հարցեր, որոնք քննարկումների միջոցով հնարավոր չէ լուծել;

«Այլ հարց է, որ Վրաստանը դաշնակցային հարաբերություններ ունեն Ադրբեջանի և Թուրքիայի հետ, սա իր ազդեցությունը թողնում է»: