Ազատության հրապարակում նստացույցը շարունակվում է (տեսանյութ)
Մի խումբ երիտասարդներ այս գիշեր լուսացրել են Ազատության հրապարակում: Նրանք անժամկետ նստացույց են սկսել՝ ի պաշտպանություն հացադուլի մեջ գտնվող Հաց բերող Արթուր Սարգսյանի: Երեկոյան կրկին նախատեսված է ակցիա եւ երթ: Նստացույցի մասնակիցներից Գեւորգ Նիկողոսյանը նշում է, որ փորձում են մարդկանց մոտ անտարբերությունը վերացնել: «Կոչ ենք անում նախ գալ իրենց թասիբի, իրենց արժանապատվության համար: Հաց բերողը իրեն հացից զրկելով, իր արժանապատվությունից դուրս չգալով օգնել է մարդկանց: Ցանկություն ունենք նույնը արթնացնել մնացած անտարբեր մարդկանց մեջ»,- ասաց նա: 17-ամյա Ռոբերտ Գրիգորյանը գիշերը հրապարակում մնացողներից մեկն է եղել. «Ճիշտ է, մի քիչ ցուրտ էր, բայց դիմացանք: Մարդիկ անցնում էին, հարցեր էին տալիս: Մարդիկ կային, որ որոշեցին մնալ, հետո մտափոխվեցին, գնացին»: Ըստ Ռոբերտ Գրիգորյանի՝ Արթուր Սարգսյանը խղճի բանտարկյալ է: Արդեն 18 օր է՝ Հաց բերող Արթուր Սարգսյանը հացադուլ է հայտարարել՝ իր խափանման միջոցը փոխելու պահանջով: [caption id="attachment_1524045" align="alignnone" width="700"] Shahen Harutyunyan and other protesters in support of Artur Sargsyan who supplied food to the members of 'Sasna Tsrer' group hold a protest sit-in on Freedom Square[/caption] [caption id="attachment_1524044" align="alignnone" width="700"] Shahen Harutyunyan and other protesters in support of Artur Sargsyan who supplied food to the members of 'Sasna Tsrer' group hold a protest sit-in on Freedom Square[/caption]