Վանո Սիրադեղյանի գործով ցմահ դատապարտյալը ներում է խնդրել
Ցմահ ազատազրկման դատապարտված Արմեն Տեր-Սահակյանը դիմել է Սերժ Սարգսյանին՝ խնդրելով օգտվել իր բացառիկ իրավունքից եւ ներում շնորհել իրեն: Արմեն Տեր- Սահակյանի հարազատներից մեկն «Ա1+»-ի հետ զրույցում նշեց, որ իրենք մեծ ակնկալիքներ ունեն: Ցմահ ազատազրկման դատապարտված Արմեն Տեր- Սահակյանը մոտ մեկ ամիս գտնվում էր հացադուլի մեջ: Նա իր բողոքն է հայտնում վաղաժամկետ ազատ արձակման դիմումը մեկ տարով հետաձգելու համար, ինչպես նաեւ պահանջում է հանդիպում Սերժ Սարգսյանի վերահսկողական ծառայության պետ Ֆելիքս Ցոլակյանի հետ: Ցմահ դատապարտյալը իր հացադուլը դադարեցրել է դեկտեմբերի 31-ին՝ առողջական խնդիրների հետ կապված: Չի բացառվում, որ առաջիկայում նորից նա վերսկսի իր հացադուլը: Արմեն Տեր-Սահակյանը դատապարտվել է ցմահ ազատազրկման՝ ՆԳ նախկին նախարար Վանո Սիրադեղյանի եւ մյուսների գործի շրջանակներում: