Պաշտոնյաները գրեթե չեն այցելում աստղադիտարան
Աստղագետների շրջանում արտագաղթը այդքան էլ մեծ թիվ չի կազմում՝ վստահեցնում է Բյուրականի աստղադիտարանի տնօրեն Հայկ Հարությունյանը։
Միաժամանակ վերջինս նշում է, որ արտասահմանում ավելի լավ պայմաններ են ստեղծվում աստղագետների համար, քան մեզ մոտ։
Անդրադառնալով տարվա ձեռքբերումներին՝ վերջինս նշեց, որ ավարտվել է մեծ դիտակի հայելապատման գործընթացը, որը 30 տարի շարունակ չէր փոխվել։
Նրա խոսքերով՝ պաշտոնյաներից ովքեր գալիս են աստղադիտարան, առաջինը իրենց զարմանքն են արտահայտում, որ Հայաստանում կա այդպիսի կենտրոն.
Պարոն Հարությունյանը չի կարող ասել, թե պաշտոնյաներից ով է ոչ պաշտոնական այցով եղել Աստղադիտարանում, ընտանիքի հետ միասին։ Մի բան, սակայն, հստակ կարող է ասել՝ վերջին անգամ Հայաստանի նախագահը Աստղադիտարանում եղել էր 2001 թ-ին, իսկ 12 տարվա ընդմիջումից հետո այցելել է Սերժ Սարգսյանը։
Անդրադառնալով աստղադիտարանում գիտնականներին բնակարաններով ապահովելուն՝ տնօրենը նշեց, որ այդ ավանդույթը շարունակվում է, թեեւ մի քանի աշխատակիցներ փորձել են դրանք սեփականաշնորհել, բայց դա նշանակում է սերունդներին զրկել այդ հնարավորությունից։
«Հիմա դատական գործընթաց է սկսվել՝ մեր երիտասարդներին բնակարանով ապահովելու համար»,- եզրափակեց նա։
