Զինվորականի հայրը ինքնասպան է եղել
Հունիսի 18-ին ժամը մոտավորապես 9-ի սահմաններում ինքնասպանության դեպք է գրանցվել Գյումրիում: «Ցայգ» հեռուստաընկերությունը մանրամասներ է հրապարակել։
Մուշ 2 թաղամասի 10/2 բ շենքի թիվ 23 բնակարանից ցած է նետվել 1953 թվականին ծնված Բաբկեն Սարգիսի Պապիկյանը:
Վերջինս երկու զավակ ուներ: Աղջիկը մի քանի ամիս առաջ ամուսնացել և մեկնել է Սանկտ Պետերբուրգ:
Բաբկեն Պապիկյանը նշված հասցեում բնակվել է տղայի հետ, ով զինվորական է և դեպքի պահին աշխատավայրում է եղել:
Բաբկեն Պապիկյանը փոստատար էր: Դեպքից հետո դին տեղափոխվել է պաթոլոգիաանատոմիական լաբորատորիա: Տեղում աշխատել է Շիրակի մարզի քննչական բաժնի քննիչ Կարեն Հովհաննիսյանը: Նախապատրաստվում են նյութեր: Հարևանները պատմել են, որ Բաբկենը վերջին ժամանակները մեկուսացած է եղել: Նրա կինը մահացել էր մոտ 9 տարի առաջ, և ըստ շենքի բնակիչների, կնոջ մահը նրա վրա ծանր ազդեցություն էր գործել:
