Ոչխարներն ավելացել են
Վերջին տարիներին անասնապահության ոլորտում նկատվում են դրական միտումներ. այսօր լրագրողների հետ հանդիպմանը ասաց ՀՀ գյուղատնտեսության նախարարության անասնաբուժության եւ անասնաբուծության վարչության պետ Աշոտ Հովհաննիսյանը:
2012-ին` ի տարբերություն 2011-ի, հանրապետությունում տավարի գլխաքանակը ավելացել է 62 հազար գլխով եւ կազմել 671 հազար 500 գլուխ:
Ըստ Հովհաննիսյանի աճել է նաեւ կովերի, ոչխարների ու այծերի գլխաքանկաը:
«Կովերի գլխաքանկաը ավելացավ գրեթե 20 հազարով եւ կազմեց 303 հազար գլուխ կով: Ոչխարների եւ այծերի գլխաքանկաը ավելացավ շուրջ 85 հազարով եւ կազմեց 674 հազար գլուխ: Իսկ խոզերի գլխաքանակը ավելացավ 37 հազարով»,-ասում է Հովհաննիսյանը:
Անասնաքանակի ավելացման միտումները նպաստել են նաեւ անասնաբուծական մթերքների ծավալների աճին եւ 2012-ին հանրապետությունում արտադրվել է 130 հազար 3 հարյուր տոննա միս, 618 հազար տոննա կաթ եւ գրեթե 658 մլն ձու:
