A
A
Սելավ էր
Հորդառատ անձրևի և կարկուտի հետևանքով վնասվել են Սյունիքի մարզի Շվանիձոր գյուղի ցանքատարածությունները և փլուզվել է Ռ.Համբարձումյանին պատկանող տան բակում գտնվող օժանդակ շինության պատը:
Դեպքի վայր է մեկնել մարզային փրկարարական վարչության օպերատիվ խումբը:
Տեղում պարզվել է, որ ժամը 00.20-ից մինչև 02.10-ը տեղացած հորդառատ անձրևի և կարկուտի հետևանքով վնասվել են գյուղատնտեսական նշանակության ցանքատարածքներ (մոտ 5 հա), փլուզվել է քարե ցանկապատ (400 քմ), երկաթյա կամրջակ (10x5x4):
Սելավի հետևանքով գյուղի փողոցները ծածկվել են ջրաբերուկներով:
Դեպքի մասին տեղյակ է պահվել Սյունիքի մարզպետարանը:
Կստեղծվի հանձնաժողով վնասի չափերը ճշտելու համար:
