Սիգ չկա, քանի որ գողանում են
«Սևանա լճի ավազանին պատկանող գետերը անմխիթար վիճակում են»,-համոզված ՀՀ հիդրոէկոլոգիայի և ձկնաբանության ինստիտուտի տնօրեն Բարդուխ Գաբրիելյանը:
Նա հատկապես մտահոգված է գետերի աղտոտվածության մակարդակից:
«Առաջնայինը պետք է դառնա գետերի վիճակի բարելավումը,քանի որ իշխան ձկնատեսակի աճը տեղի է ունենում գետերում»,-մեկնաբանում է նա:
Պարոն Գաբրիելյանը չի շտապում թվարկել միայն Սևանա լճի էկոլոգիական խնդիրները, քանի որ կան նաև փոքրիկ ձեռքբերումներ:
«Մեր նվաճումներից է ջրի մակարդակի բարձրացումը, ինչը կբերի ջրի որակի բարելավմանը, ինչպես նաև կառավարության կողմից իշխանի պոպուլացիայի վերականգման քայլերը»,-նշեց նա:
Ինչ վերաբերվում է սիգ ձկնատեսակի նվազմանը՝ Բարդուխ Գաբրիելյանը նկատեց.
«Սիգի պաշարների նվազումը որսագողության արդյունք է:Սիգը ձվադրում է միայն լճերում:Լճի մակարդակի բարձրացմամբ մենք կնպաստենք սիգի բազմացմանը»:
Ի դեպ, հունիսի 5-ին բնապահպանների միջազգային օրն է:
