A
A
Նորածինը՝ կոյուղատարում
Չինաստանի փրկարար ծառայությունների աշխատողներին հաջողվել է փրկել մի նորածնի, որը հայտնաբերվել էր երկրի բնակելի շենքերից մեկի կոյուղու համակարգում: Այս մասին հայտնում է Ամերիկայի ձայնը։
Չժեցզյան արևելյան մարզի Ջինհուա քաղաքի բնակիչները հրշեջներ են կանչել՝ լսելով երեխայի լացը չորրորդ հարկի զուգարանում:
Փրկարարներին չի հաջողվել հանել երեխային զուգարանից, և նրանք ստիպված կտրել են 10 սանտիմետր տրամագիծ ունեցող խողովակի հատվածներից մեկը: Հրժեջներն ու բժիշկները մաս առ մաս քանդել են խողովակը՝ ազատ արձակելով երկօրյա նորածին տղա մի երեխայի:
Պետական լրատվամիջոցների համաձայն, 2,3 կիլոգրամ քաշ ունեցող երեխան խողովակում է անցկացրել առնվազն երկու ժամն:
Ոստիկանությունը որոնում է երեխայի ծնողներին:
