«Արմմոնոն» առաջընթաց է գրանցում
Երեւանում անցկացվող «Արմմոնո» մոնոներկայացումների միջազգային թատերական փառատոնն արդեն ավարտվեց: Փառատոնի հյուրերն ու կազմակերպիչները վստահեցնում են, որ «Արմմոնոն» իր շուրջն է գրավում նոր համակիրների:
6 օր տեւած միջազգային փառատոնին այս տարի ներկայացվեցին 22 մոնոերկայացումներ: Ի դեպ, այս տարի «Արմմոնո»-ի յուրահատկությունը այն էր, որ կային նաեւ դեբյուտային մոնոներկայացումներ:
«Այս տարի երիտասարդների ցանկությունը` մասնակացել փառատոնին աննախադեպ էր: Մենք դիտեցինք դեբյուտից՝ 4 հետաքրքիր ներկայացում: Ինչպես նշեցին մեր բոլոր հյուրերը ներկայացումները շատ հետաքրքրիր էին, շատ բազմերանգ, խաղացվում էին լեփ- լեցուն դահլիճներում»,-ասում է փառատոնի տնօրեն Մարիաննա Մխիթարյանը:
Այս տարի փառատոնը լեհական ուղղվածություն ուներ: Արդեն ամեն տարի ավանդական է դարձել փառատոնի համագործակցությունը դեսպանատների հետ:
««Արմմոնոն» առաջընթաց է գրանցում: Իրականում այդպիսի քանակությամբ երիտասարդ հադիսատես, որոնցով լցվում են դահլիճները, ես չեմ տեսել ոչ մի երկրի մոնոներկայացումների փառատոնին»,-ասում է մի շարք մոնոներկայացումների միջազգային փառատոնների տնօրեն Նինա Մազուրը:
