320 օր՝ Նախագահականի դիմաց
Ամեն առավոտ ժամը 9.00-ին Պռոշյան- Դեմիրճյան խաչմերուկում Սերժ Սարգսյանին է դիմավորում Գարեգին Նժդեհի եղբոր աղջիկը՝ Էմմա Սահակյանը։
«Գոնե երկու րոպեով նա կարող է իջնել իր ավտոմեքենայից եւ լսել իմ խնդիրը, հարցնել , թե ինչ պահանջ ունեմ ես»,- դեռ հույս ունի նա։
Արդեն 320 օր Սերժ Սարգսյանի նստավայրի մոտ նստացույց հայտարարած Գարեգին Նժդեհի եղբոր աղջիկը պահանջում է իր օրինական ունեցվածքի վերականգնում։ Նրա խոսքերով՝ ինքը զրկվել է իր Օրբելի փողոցում գտնվող տնից եւ ունեցվածքից բարեկամուհու շնորհիվ։
Նախագահական նստավայրի Քաղաքացիների ընդունելության բաժնից Էմմա Սահակյանին առաջարկել են տեղափոխվել ծերանոց.
«Ծերանոց թող գնան նրանք, ովքեր առաջարկում են, եւ նրանց հարազատները», - բորբոքված ասաց նա։
Նա պատրաստ է պայքարել այնքան ժամանակ, մինչեւ արդարությունը վերականգնվի։
