Երազանքը՝ Հայաստանում խաղալն է
Նյու Յորքի Սրբոց Նահատակաց Հայաստանյան Առաքելական եկեղեցու Գալուստյան սրահում հյուրախաղերով հանդես է եկել Հայ Բարեգործական Ըդհանուր Միության ՝ Ավստրալիայի Սիդնեյ քաղաքի Վահրամ Փափազյանի անվան թատերախումբը՝ ներկայացնելով Ն. Ղարիբյանի « Ինքնակոչ երաժիշտը» կատակերգությունը:
Իր գոյության 15 տարիների ընթացքում խումբը ներկայացումներով հանդես է եկել Ավստրալիայի հայաշատ քաղաքներում: Հյուրախաղերով հանդես է եկել Եգիպտոսում, Կանադայում եւ առաջին անգամ` Նյու Յորքում:
«Խմբի միակ երազանքն է հանդես գալ նաեւ Մայր Հայաստանում »,- ասաց թատերախմբի հիմնադիր, դրամատուրգ, ռեժիսոր եւ ներկայացման գլխավոր դերակատար Նուբար Ղարիբյանը:
Թատերախմբին շնորհավորական եւ շնորհակալական խոսք ասաց եկեղեցու հոգեւոր հովիվ՝ Տ.Աբրահամ քահանա Մալխասյանը: Հանդիսատեսի ջերմ ընդունելիության համար թատերախմբի անունից շնորհակալություն հայտնեց Նուբար Ղարիբյանը :
ՌՈԲԵՐՏ ԿԱՐԱՊԵՏՅԱՆ
Լուսանկարները՝ հեղինակի
Նյու Յորք
