Մահացել է՝ գիտակցության չգալով
Ոստիկանության ամփոփագրից
Օգոստոսի 27-ին, ժամը 23.45-ի սահմաններում, «ԲՄՎ» մակնիշի ավտոմեքենայի վարորդը Ծովակալ Իսակովի պողոտայում վրաերթի է ենթարկել 1960 թ. ծնված Վաչագան Հայրապետյանին, որը մարմնական վնասվածքներով տեղափոխվել է հիվանդանոց, որտեղ էլ օգոստոսի 28-ին, ժամը 00.30-ին, գիտակցության չգալով, մահացել է: Կատարվում է քննություն:
Ավտոմեքենան շրջվել է
Օգոստոսի 27-ին, ժամը 20.00-ի սահմաններում, Երևանի Սեբաստիայի փողոցի թիվ 23 շենքի բակում «ԲՄՎ-316» մակնիշի ավտոմեքենան կորցնելով կառավարումը՝ շրջվել է և բախվել նշված վայրում կայանված «ՎԱԶ-2121» մակնիշի ավտոմեքենայի:
«ԲՄՎ-316»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Բախում խաչմերուկում
Օգոստոսի 28-ին, ժամը 00.15-ին, «Ռենո-Լոգան» մակնիշի ավտոմեքենա Աճառյան և Բաբաջանյան փողոցների խաչմերուկում բախվել է «Լեքսուս-300» մակնիշի ավտոմեքենայի:
«Ռենո-Լոգան»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Մոտոցիկլետը շրջվել է
Օգոստոսի 27-ին, ժամը 16.30-ի սահմաններում, «Ուրալ» մակնիշի մոտոցիկլետը Մարտունի-Վարդենիս ճանապարհի 14,5-րդ կմ-ին դուրս է եկել երթևեկելի գոտուց և շրջվել, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
Բյուրեղավան-Արզնի ճանապարհին
Օգոստոսի 27-ին, ժամը 20.30-ի սահմաններում, Բյուրեղավան-Արզնի ճանապարհի խաչմերուկում իրար են բախվել «Ալֆա-Ռոմեո» և «Օպել-Վեկտրա» մակնիշի ավտոմեքենաներ:
«Օպել-Վեկտրա»-ի 3 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
Երթևեկելի գոտուց դուրս է եկել
Օգոստոսի 27-ին, ժամը 16.30-ի սահմաններում, «ՎԱԶ-2106» մակնիշի ավտոմեքենան Երևան-Իջևան ճանապարհի 112-րդ կմ-ին դուրս է եկել երթևեկելի մասից և ընկել քարերի մեջ, ինչի հետևանքով 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
Դիտավորությամբ առողջությանը ծանր վնաս պատճառելու մեղադրանքով
Օգոստոսի 27-ին, ժամը 16.00-ին, ոստիկանության Արմավիրի բաժնի ծառայողները, Լուկաշին գյուղից բերման են ենթարկել 1982 թ. ծնված Հակոբ Մ.-ին, որը մայիսի 12-ից ՌԴ Մոսկվայի մարզի ոստիկանության կողմից հետախուզվում էր դիտավորությամբ առողջությանը ծանր վնաս պատճառելու մեղադրանքով:
