A
A
Հայաստանը Ադրբեջանի եւ Թուրքիայի հետ
Հունահռոմեկան ոճի ըմբշամարտի Հայաստանի հավաքականը կմասնակցի Եվրոպական ազգերի գավաթի խաղարկությանը, որը տեղի կունենա Մոսկվայում` նոյեմբերի 12-13-ը: Այս մասին տեղեկացնում է մրցումների կազմկոմիտեն:
Հայաստանից բացի, գլխավոր մրցանակի համար կպայքարեն նաեւ Ռուսաստանի, Ադրբեջանի, Թուրքիայի, Բելառուսի եւ Հունգարիայի հավաքականները:
Իսկ ահա ազատ ոճի ըմբշամարտի նույն մրցումները կանցնեն առանց մեր մարզիկների: Դրանց կմասնակցեն Ռուսաստանը, Ադրբեջանը, Թուրքիան, Վրաստանը, Բելառուսը եւ Բուլղարիան:
Նշենք, որ այս մրցումներին մասնակցելու իրավունք ունեն բարձր վարկանիշ ունեցող 6 երկրների հավաքականները: Մրցանակային հիմնադրամը կազմում է 100 հազար ԱՄՆ դոլար:
