Մոսկվայից կմեկնեն Սանկտ Պետերբուրգ
Ֆուտբոլի Ռուսաստանի հավաքականի ղեկավարությունը Հայաստանի ընտրանու հետ խաղից առաջ թիմի ֆուտբոլիստներին քաջալերելու եւ թարմացնելու համար` մրցավայր մեկնելուց առաջ թույլ է տվել նրանց հանդիպել իրենց ընտանիքի անդամների եւ ընկեր-ընկերուհիների հետ:
Ճիշտ է, այդ հնարավորությունից օգտվել են միայն մոսկվայաբնակ խաղացողները: Մասնավորապես` պաշտպան Վալերի Բերեզուցկու կինը հյուրանոց է այցելել իր փոքրիկ որդու հետ, իսկ ահա Իգոր Սեմշովի կինը տանն է թողել իր չափահաս երեխաներին: Մոսկվայի «Լոկոմոտիվի» ֆուտբոլիստ Դմիտրի Տորբինսկուն քաջալերելու էին եկել միայն ծնողները:
Հավելենք, որ Ռուսաստանի հավաքականն այս օրերին պատրաստվում է Հայաստանի ազգային թիմի հետ ընտրական հանդիպմանը: Այսօր ռուսները Մոսկվայից կմեկնեն Սանկտ Պետերբուրգ, որտեղ եւ հունիսի 4-ին կհյուրընկալեն մեր հավաքականին:
