Սամսոն Խաչատրյանը անտեղի չէր նեղացնի
Պրոֆեիոնալ բռնցքամարտիկ Վիկ (Վախթանգ) Դարչինյանը այսօր հրավիրված մամուլի ասուլիսին անդրադարձել է նաեւ նախկին բռնցքամարտիկ Սամսոն Խաչատրյանի հետ կապված միջադեպին:
«Ես տեղյակ չեմ նրա հետ տեղի ունեցած միջադեպի մանրամասներին, սակայն լավ եմ ճանաչում Սամսոն Խաչատրյանին, քանի որ իմ համերկրացին է: Նա երբեք իրեն անտեղի թույլ չէր տա նեղացնել որեւէ մեկին: Աշխարհում ընդհանրապես մեծ հարգանքով են վերաբերվում հայտնի մարզիկներին: Կարծում եմ, մեզ մոտ էլ պետք է հարգանքով վերաբերվեն աշխարհի, Եվրոպայի եւ օլիմպիական չեմպիոնների նկատմամբ»,-ասաց ծնունդով վանաձորցի Վիկ Դարչինյանը:
Հիշեցնենք, որ աշխարհի գավաթակիր, Եվրոպայի կրկնակի եւ ԽՍՀՄ բազմակի չեմպիոն, բռնցքամարտիկ Սամսոն Խաչատրյանը այս տարվա մարտի 13-ին ձերբակալվել էր, ապա կալանավորվել, սակայն ապրիլի 19-ին դատարանի որոշմամբ ազատ էր արձակել:
