A
A
«Բանանցը» նոր մարզիչ է փնտրում
«Բանանց» ֆուտբոլային ակումբի ղեկավարությունը առաջնության առաջին շրջանի ավարտից հետո անբավարար գնահատելով թիմի ելույթները բարձրագույն խմբում եւ գավաթի խաղարկությունում, պաշտոնից հեռացրել է գլխավոր մարզիչ, մակեդոնացի մասնագետ Ստեւիցա Կուզմանոսկուն: Այդ մասին տեղեկացնում է ակումբի պաշտոնական կայքէջը:
Բարձրագույն խմբի մրցաշարում «Բանանցը» աննախադեպ վատ է մեկնարկել` յոթ հանդիպումներում վաստակելով ընդամենը երեք միավոր: Գավաթի խաղարկությունում թիմը հասավ մինչեւ կիսաեզրափակիչ:
Հավելենք, որ Ստեւիցա Կուզմանոսկին «Բանանցը» գլխավորել է 2010 թվականի սկզբից, եւ նրա գլխավորությամբ թիմը նախորդ տարի դարձել է արծաթե մեդալակիր:
