«Բարի լույս, հրեշտակներս»․ պրեմիերա Պատանի հանդիսատեսի թատրոնում (տեսանյութ)
Աջակցիր «Ա1+»-ին
Իտալական կոլորիտով համեմված միշտ արդիական համամարդկային կրքեր։
Պաոլո Կապպելլոնիի «Բարի լույս, հրեշտակներս» տարօրինակ կատակերգության շուրջ ռեժիսոր, ՀՀ ժողովրդական արտիստ Հրաչյա Գասպարյանը ներգրավել է Պատանի հանդիսատեսի թատրոնի բազմավաստակ հինգ դերասան, իր իսկ խոսքով, աստղերի, որոնք թատրոնում են հիսուն տարուց ավելի և կարոտում են բեմը։
Ներկայացման պրեմիերան, որը պետք է կայանար դեռ սեպտեմբերի վերջին, հասկանալի պատճառներով հետաձգվեց և հանդիսատեսին կներկայացվի նոյեմբերի 17-ին:
Դերասանները միաձայն նշում են, որ հենց փորձերից են մեծ բավականություն ստացել, քանի որ երկար տարիներ միասին մեկ բեմում չեն եղել և այս պիեսի շնորհիվ, ասես տեղափոխվել են երիտասարդ տարիներ, բարի ժամանակներ, երբ աշխատում էին, կերպարներ ստեղծում, ստեղծագործում ։
«Ցանկանում եմ կանանց զգուշացնել, որ իմ մարմնավորված կերպարի պես տղամարդկանցից, որոնց նպատակն է կանանց հաշվին ապրելը հեռու մնան, թակարդը չընկնեն»,– խորամանկ ժպիտով ասում է ՀՀ ժողովրդական արտիստ Արմեն Սանթրոսյանը։
Ներկայացման ռեժիորն էլ համամիտ է, որ ինչպես բոլոր ժամանակներում, մեր դարում ևս «աֆերիստները» շատ են։
Մանրամասը՝ տեսանյութում։