Հետեւել է իր «ուսուցչի» օրինակին
նգլիացի երկրպագու Մետյու Սիմենսը, ով 1995 թվականին հարձակման էր ենթարկվել «Մանչեսթր Յունայթեդի» ֆրանսիացի հարձակվող Էրիկ Կանտոնայի կողմից (վերջինս կարատեի հարվածով փորձել էր հաշվեհարդար տեսնել իրեն հայհոյող ֆուտբոլասերին), կրկին հայտնվել է սկանդալի կենտրոնում:
Այս անգամ Մետյու Սիմենսը հարձակվել է իր որդու մարզչի վրա եւ փորձել ծեծել: Դեպքը տեղի է ունեցել անցած տարվա օգոստոսին, երբ մարզիչը նրա 13-ամյա որդուն չէր ընդգրկել պատանեկան առաջնության խաղին:
Երեկ Քինգստոնում կայացած դատավարության ժամանակ Մետյու Սիմենսը չի ընդունել իրեն ներկայացրած մեղադրանքը` հայտարարելով, որ մարզիչը, երբ իմացել է իր եւ Էրիկ Կանտոնայի պատմության մասին, սկսել է անուշադրության մատնել իր որդուն: Իսկ ահա թիմի մարզիչը ասել է, որ Մետյու Սիմենսը նախ թքել է իր վրա, ապա հարձակվել բռունցքներով:
Հավելենք, որ դատը անավարտ է մնացել եւ առաջիկայում կկայանա դատավարական նոր նիստ:
