Ռեկորդի պատճառով
Ռուսաստանցի բարձրացատկորդ Իվան Ուխովը վնասվածք է ստացել, երբ ցանկացել է սահմանել համաշխարհային նոր ռեկորդ:
Բանսկա-Բիստրիցայում (Սլովակիա) տեղի ունեցած աթլետիկայի միջազգային մրցաշարին նա 238 սմ արդյունքով գրավել է առաջին տեղը: Այնուհետեւ ռուս մարզիկը ցանկացել է սահմանել համաշխարհային նոր ռեկորդ` հորիզոնական ձողը բարձրացնելով եւս 6 սմ-ով: Սակայն երրորդ անհաջող փորձից հետո մարզիկը վնասել է ոտքի մկանը եւ կաղալով թողել մրցահարթակը:
«Ես սկզբում ցանկանում էի հաղթահարել 239 սմ բարձրությունը, որը այդ մրցաշարի ռեկորդն էր: Սակայն հետո մտածեցի համաշխարհային նոր ռեկորդ սահմանել: Ավաղ, դա ինձ չհաջողվեց» - մրցումներից հետո հայտարարել է Իվան Ուխովը:
Մարզիկի առաջին բուժզննումը ցույց է տվել, որ վնասվածքն այնքան էլ լուրջ չէ, եւ որ նա կարող է մասնակցել հաջորդ մրցաշարին:
